Si Bruce Deelees (Vic Sotto) ay isang simpleng probinsyano at si MAryo (Francis Magalona) ay ang kanyang pinsang nag-aaral sa Maynila na walang inatupag kundi ang pagbubulakbol. Nang mamatay ang kanilang lolo ay nagpasya silang sa Maynila na mamalagi. Dito nakilala ni Bruce si Olga (Rita Avila), nabighani si Bruce kay Olga at agad niya itong niligawan. Ngunit may mga kondisyon si Olga para makuha ni Bruce ang kanyang “matamis na oo”. Ito ay kailangan manalo muna siya sa beauty contest na sinalihan niya. Sa coronation day, isang grupo ng terorista na pinamumunuan nila Saddam (Dick Israel) at Hussein (John Regala) ang makakaengkwentro nila Brece at Maryo. Sa huli ay magagapi nila ang mga terorista at makakamit ni Bruce ang matagal na niyang inaasam mula kay Olga.
