Masasangkot sa isang sigalot sa lupain sa Isabela at mapapatay ang asawa ni Hermina (Rosanna Roces). Bago pa man isunod si Hermina at ang kanilang apat na anak ay tatakas na ang mga ito. Susubukan ni Hermina na humingi ng tulong sa mga pulis ngunit ang mga ito’y pawang kasabwat din ng mga pumatay sa kanyang asawa. Dahil wala nang mapuntahan, magtatatakbo na lamang siya karay ang mga anak. Sa pagmamadali’y mahihiwalay ang kanyang panganay.
